कारागार, हिरासत र बालसुधार गृहमा रहेकाहरुकाे मानव अधिकारकाे अवस्था सन्तोषजनक देखिएन : प्रधानमन्त्री प्रचण्ड

 माघ २३, २०७९ सोमबार १३:१२:५५ | उज्यालो सहकर्मी
unn.prixa.net

तस्बिर : रासस

काठमाण्डाै - प्रधानमन्त्री पुष्पकमल दाहाल प्रचण्डले कारागार, हिरासत र बालसुधार गृहमा रहेका व्यक्तिको मानव अधिकार अवस्था सन्तोषजनक नभएकाे बताउनु भएकाे छ । सोमवार महान्यायाधिवक्ताको कार्यालय अवलोकन गर्न पुग्नुभएका उहाँले यस्तो बताउनुभएको हो ।

प्रधानमन्त्री प्रचण्डले महान्यायाधिवक्ताको कार्यालयबाट कारागार, हिरासत र बालसुधार गृहको अनुगमन गरी तयार गरिएको प्रतिवेदनबाट त्यहाँ रहेका व्यक्तिको मानव अधिकार अवस्था सन्तोषजनक नदेखिएको बताउनु भयो ।

उहाँले कसुरको अनुसन्धान, अभियोजन र प्रतिरक्षाको कार्यलाई थप प्रभावकारी बनाउन र विधि विज्ञान प्रयोगशालालाई प्रदेश तहसम्म विस्तार गर्नका साथै तिनको स्तरोन्नति गर्नका लागि महान्यायाधिवक्ताको कार्यालयबाट गरिएका प्रयासमा नेपाल सरकारबाट आवश्यक सहयोग उपलब्ध गराउने प्रतिबद्धता जनाउनु भयो । 

साथै उहाँले नेपालका कारागार, बालसुधार गृह र हिरासतको विस्तार र सेवासुविधा वृद्धि गर्नु नेपाल सरकारको प्राथमिकतामा रहेको बताउनु भयो । उहाँले अनुसन्धानलाई अझ बढी वस्तुगत, वैज्ञानिक, प्रमाणमा आधारित बनाइ त्यस्ता प्रमाणका आधारमा अभियोजन र प्रभावकारी प्रतिरक्षाका लागि विधि विज्ञान प्रयोगशालाको विस्तार र विकास गर्न आवश्यक रहेको पनि बताउनु भएकाे छ । 

 

अन्तिम अपडेट: फागुन ३०, २०८०

तपाईको प्रतिक्रिया