काठमाण्डाै – सानिमा बैंकले ग्राहकका लागि सानिमा 'फाइभ इन वान' एकाउन्ट सेवा सफलतापूर्वक शुरु गरेकाे छ ।

यो सेवा विद्यमान सानिमा 'थ्री इन वान' खाताको अद्यावधिक संस्करण हो जसमा बचत खाता, डिम्याट खाता, शेयर ट्रेडिङ खाता, सी–एएसबीए (ब्लक गरिएको रकमद्वारा समर्थित केन्द्रीकृत आवेदन) र मेरो शेयरको संयोजन रहेको बैंकले जनाएकाे छ ।

सानिमा बैंकले सानिमा क्यापिटलसँगको सहकार्यमा यो अनौठो सेवा प्रदान गरेको हो । यस सेवाले बैंकको बेबसाइटमा उपलब्ध अनलाइन प्लेटफर्ममार्फत डिम्याट खाता, शेयर ट्रेडिङ खाता, सी-आस्बा, मेरो शेयर खोल्न र दोस्रो बजारबाट शेयर खरिद/बिक्री गर्न बैंकका विद्यमान तथा नयाँ ग्राहकहरूलाई सहज बनाउने विज्ञप्तिमा जनाइएकाे छ ।  

ग्राहकहरूलाई सरलीकृत डिजिटल शेयर ट्रेडिङ प्लेटफर्म उपलब्ध गराउने उद्देश्यले यो पहल गरिएकाे बैंकले जनाएकाे छ ।

सानिमा बैंकले देशका सातै प्रदेशका १३२ कार्यालय र १२२ एटीएम नेटवर्कबाट सेवा प्रदान गर्दै आएको छ ।