विश्वकपमा ‘भीएआर’ किन विवादित ?

फिफा विश्वकप फुटबलमा प्रयोग भइरहेको ‘भिडिओ असिस्टेन्ट रेफ्री’ अर्थात् (भीएआर) विवादित भइरहेको छ ।

यस पटक अन्तिम–१६ मा इजिप्टसँगकाे खेलमा अर्जेन्टिनाको जीतपछि ‘भीएआर’ बारे थप चर्चा र नयाँ बहस चर्किएको छ । अरू खेलमा पनि छिटपुट असन्तुष्टि देखिएका थिए ।

फिफाले औपचारिक रूपमा सन् २०१८ मा रुसमा भएको प्रतियोगितामा ‘भीएआर’ लागू गरेको थियो ।

‘भीएआर’ भिडिओ प्रविधिको उपयोगमार्फत मैदानमा रहेका रेफ्रीलाई निर्णय लिन सघाउने प्रणाली हो । मैदानमा भएका महत्त्वपूर्ण घटना रेफ्रीले देखेनन् वा स्पष्ट हुन सकेनन् र त्यसका कारण कुनै महत्त्वपूर्ण निर्णयमा त्रुटि भयो भने ‘भीएआर’ प्रयोग गरिन्छ । यसले रेफ्रीलाई अझ राम्रो निर्णय लिन सहयोग गर्ने विश्वास गरिन्छ तर अहिले पनि ‘भीएआर’ बाट गरिएका निर्णय विवादरहित हुन सकिरहेका छैनन् ।

फिफाका अनुसार अहिलेसम्म विश्वभर ३०० वटाभन्दा धेरै प्रतियोगितामा यो प्रविधि उपयोग भएको छ ।

यो विश्वकपमा अहिलेसम्म खेलिएका ९६ मध्ये रेफ्रीले २३ पटक मात्र मनिटर हेरेका छन् र हरेक खेलका हिसाबले हेर्दा यो सङ्ख्या अघिल्लो विश्वकपको भन्दा कम हो । रुसपछि कतारमा भएको विश्वकपमा ‘भीएआर’ ले २७ पटक निर्णय तय गर्‍याे । तीमध्ये २ वटाबाहेक सबैमा मनिटर हेरेपछि रेफ्रीले आफ्नो प्रारम्भिक निर्णय बदलेका थिए ।

रुसमा भएको प्रतियोगिताका ६४ खेलमा २० पटक ‘भीएआर’ को प्रयोग भएको थियो । रेफ्रीले १७ वटा निर्णय परिवर्तन गरे जसमा प्रतियोगिताको महत्त्वपूर्ण फाइनल खेलमा गरिएको निर्णय पनि समावेश थियो ।