शेयर बजार लगातार चाैथाे दिन घट्याे, सबै समूह राताम्मे

काठमाण्डाै – शेयर बजार लगातार चौथो दिन घटेको छ । शेयर बजार परिसूचक नेप्से आज १६.२९ अङ्कले घटेर २ हजार ६७२.५८ विन्दुमा झरेको छ । नेप्से ४ दिनमा ६२ अङ्कले घटेको छ ।

आज सबै समूहको उपसूचक घटेकोमा विकास बैंक र जलविद्युत् समूह १ प्रतिशतभन्दा धेरैले ओरालो लागेको छ । आज २०६ वटा कम्पनीको शेयर घटेकोमा ५९ वटाको बढेको छ । यस्तै ११ वटा कम्पनीको शेयर भने घटेको छैन ।

आज कालिञ्चोक हाइड्रोपावरको शेयर १५ प्रतिशतले घटेको छ । समग्रमा बजार ओरालो लागेको दिन एभरेस्ट कलरको शेयर १५ प्रतिशतले बढेको छ ।

आज नेप्सेसँगै कारोबार रकम पनि घटेको छ । हिजो ४ अर्ब २ करोडको कारोबार भएकोमा आज ३३७ वटा कम्पनीको ७५ लाख ४८ हजार कित्ता शेयर ३ अर्ब ३८ करोड रुपैयाँमा किनबेच भएको छ ।