५ महिनापछि पूर्वप्रधानमन्त्री देउवाकाे स्वदेश फिर्ती (तस्वीरहरू)

काठमाण्डाै – पूर्वप्रधानमन्त्री एवम् नेपाली कांग्रेसका निवर्तमान सभापति शेरबहादुर देउवा ५ महिनापछि स्वदेश फर्कनुभएको छ ।

आज दिउँसाे आइपुग्नुभएका देउवालाई त्रिभुवन विमानस्थलमा कांग्रेस नेताहरू पूर्णबहादुर खड्का, शशाङ्क कोइराला, विमलेन्द्र निधि, कृष्णप्रसाद सिटौलालगायतले स्वागत गरेका छन् । बाक्लो सङ्ख्यामा विमानस्थल पुगेका नेता कार्यकर्ताले बाजागाजासहित स्वागत गरेका हुन् ।

देउवा उपचारको सिलसिलामा गएको फागुनमा सिङ्गापुर जानुभएको थियो । उहाँ हङकङबाट थाइल्यान्ड हुँदै आज नेपाल आउननुभएको हो ।

बूढानीलकण्ठमा रहेको घर नवयुवा आन्दोलनका क्रममा आगजनीमा परेपछि देउवा परिवार घर भाडामा लिएर महाराजगञ्जमा बस्दै आएकाे थियाे ।

तस्वीर : न्युज एजेन्सी नेपाल