‘फर्मुला वान’ का सबैभन्दा कान्छा विश्व विजेता बने एन्टोनली

काठमाण्डाै – इटालीका किमी एन्टोनली विश्वकै प्रतिष्ठित मोटर रेसिङ प्रतियोगिता फर्मुला वानका सबैभन्दा कान्छा विश्व विजेता बनेका छन् ।

मेक्सिको सिटी ग्रान्ड प्रिक्समा मर्सिडिजका लागि तेस्रो स्थान हासिल गर्दै २० वर्ष ६८ दिनको उमेरमा उनले यो उपलब्धि हासिल गरेका हुन् ।

एन्टोनेलीले जर्मनीका सेबास्टियन भेटेलको सन् २०१० मा २३ वर्ष १३४ दिनको कीर्तिमानलाई ३ वर्षभन्दा धेरै समयले तोडेका छन् । साथै उनी सन् १९५३ मा अल्बर्टाे अस्करीपछि विश्व विजेता बन्ने पहिलो इटालेली ड्राइभर हुन् ।

मर्सिडिज जुनियर प्रोग्रामका उत्पादन एन्टोनेलीले सन् २०२५ को सिजनमा लुइस ह्यामिलटनको ठाउँ लिँदै मर्सिडिजबाट एफ वान डेब्यु गरेका थिए ।

उनले आफ्नो दोस्रो सिजन (२०२६) मा उत्कृष्ट प्रदर्शन गर्दै ९ वटा ग्रान्ड प्रिक्स रेस जितेर ४ रेस बाँकी छँदै विश्व उपाधि पक्का गरे ।

एफ वानमा आउनुअघि एन्टोनेलीले इटालियन एफफोर, एडीएसी एफफोर (२०२२) र फर्मुला रिनजल (२०२३) जस्ता प्रतिष्ठित जुनियर प्रतियोगिताहरू जितेका थिए ।