यू–१९ एशिया कप : विपिन शर्माकाे कप्तानीमा नेपाली टाेली घाेषणा

काठमाण्डाै – आउँदो बिहीवार कात्तिक १९ गतेदेखि ओमानमा शुरू हुने १९ वर्षमुनिको एशिया कप क्रिकेटका लागि नेपाली टोली घोषणा भएको छ ।

नेपाल क्रिकेट सङ्घ (क्यान) ले आज विपिनप्रसाद शर्माको कप्तानीमा १५ सदस्यीय टोली घोषणा गरेको हो ।

१९ वर्षमुनिको एशिया कपमा नेपाल समूह ‘ए’ मा रहेको छ । यो समूहमा नेपालसँगै भारत, पाकिस्तान र संयुक्त अरब इमिरेट्स रहेका छन् । यस्तै समूह ‘बी’ मा अफगानिस्तान, बङ्गलादेश, मलेशिया र श्रीलङ्का रहेका छन् ।

प्रतियोगिता कात्तिक २८ गतेसम्म चल्नेछ । नेपालले आफ्नो पहिलो खेलमा कात्तिक २० गते भारतसँग खेल्नेछ ।

यस्ताे छ नेपाली टोली –

• विपिनकुमार शर्मा
• निरजकुमार यादव
• प्रसिद्ध जैशी
• सोहेल कुँवर
• दर्श सोनार
• रोहित चन्द
• निश्चल क्षेत्री
• आशिष लुहार
• रोशन शाही
• सूर्यांशु कोइराला
• अभय यादव
• सुशीलबहादुर रावल
• नितेशकुमार पटेल
• शुभम् खनाल
• सचिन भट्ट