जर्मनीकी एञ्जेलिक कर्वर तेस्रो ग्रण्डस्लाम टेनिस विम्बल्डनको महिलातर्फ च्याम्पियन बनेकी छन् ।
 
सात पटककी विजेता सेरेना विलियम्सलाई २–० को सोझो सेटमा हराउँदै ३० वर्षीय कर्वरले उपाधि जितिन् । विम्बल्डनको उपाधि पहिलो पटक जितेकी कर्वरको यो तेस्रो ग्राण्डस्लाम उपाधि हो । यसअघि उनले सन् २०१६ मा अष्ट्रेलियन ओपन र यूएस ओपनको उपाधि जितेकी थिइन् ।
 
२४औं ग्राण्डस्लाम जित्ने लक्ष्यमा रहेकी सेरेना भने यसपटक फाइनलमा हार्न पुगिन् । गत वर्ष आमा बनेपछि उनले आफ्नो पुरानो लय भेट्टाउन संघर्षरत छिन् ।
 
लण्डनको सेन्ट्रल कोर्टमा कर्वरले सरेनाको चुनौति ६)३ र ६)३ को सोझो सेटमा पन्छाएकी हुन् ।
 
विम्बल्डनको पुरुषतर्फका फाइनलमा भने सर्वियन नोभाक जोकोभिच र दक्षिण अफ्रिकाका केभिन एण्डरसन भिड्दैछन् ।