सवारी दुर्घटनामा सप्तरीका पत्रकार खतिवडाको मृत्यु, प्रहरीसहित ३ जना गम्भीर घाइते

साउन ९, २०७५ बुधबार २०:१७:३८ | शुभनारायण यादव

सप्तरी – सप्तरीमा बुधबार भएको दुर्घटनामा परि एक जना अग्रज पत्रकारको ज्यान गएको छ ।

दुर्घटनामा एक प्रहरी हवल्दारसहित ३ जना घाइते भएका छन् । विराटनगरबाट राजविराज आउँदै गरेको को १ ज २१४९ नम्बरको माइक्रो बस र विपरीत दिशामा जाँदै गरेको ना ५ ख ६१० नम्बरको बस आपसमा ठोक्किएर दुर्घटना भएको हो ।

दुर्घटनामा सप्तरीको राजविराज नगरपालिका वडा नम्बर ७ का ६५ वर्षीय रामप्रसाद खतिवडाको ज्यान गएको जिल्ला प्रहरी कार्यालय सप्तरीका एसपी मुकेशकुमार सिंहले जानकारी दिनुभयो ।

मृतक खतिवडा नेपाल पत्रकार महासंघ सप्तरीका सदस्य हुनुहुन्थ्यो । पञ्चायत कालदेखिनै पत्रकारिता पेशा सुरु गरेका खतिवडाले मातृभूमि साप्ताहिकमा लामो समयसम्म काम गर्नुभएको थियो ।

दुर्घटनामा मोरङ्गको मोतिपुर– ६, का ३० वर्षीय प्रहरी हवल्दार श्रवण माझी, सप्तरीको राजविराज नगरपालिका १ का ४५ वर्षका मित्यानन्द झा र सुनसरीको दुहवी १० का ५२ वर्षका अर्जुन ठकुरी घाइते हुनुभएको छ । घाइते मध्ये प्रहरी हवल्दार माझीको अवस्था गम्भीर छ । प्रहरी चौकी फकिरामा कार्यरत माझी बढुवापछि भर्खरै बाराको कोल्वीमा सरुवा भएका हुनुभएको थियो ।

घाइते सबैको विराटनगर स्थित नोवेल अस्पतालमा उपचार भइरहेको जिल्ला प्रहरी कार्यालय सप्तरीले जनाएको छ ।

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शुभनारायण यादव

शुभनारायण यादव सप्तरीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्