मोरङ  - मोरङको उर्लाबारीमा म्याद नाघेको खाद्य सामग्री बेच्ने व्यापारीलाई दुई लाख रुपैयाँ जरिबाना गरिएको छ । 

वाणिज्य आपूर्ति तथा उपभोक्ता संरक्षण कार्यालय विराटनगरको टोलीले अनुगमनको क्रममा उर्लाबारी नगरपालिका ७ मा म्याद गुज्रेको खाद्य सामाग्री बिक्री वितरण गरेको फेला पारेपछि कारबाही गरिएको वाणिज्य कार्यालयका प्रमुख हिमालय बरालले जानकारी दिनुभयो ।

उर्लाबारी-७ मा रहेको बिना श्रेष्ठले संचालन गरेको दिपेन्द्र किराना पसल तथा पाउरोटी उद्योगमा बिक्री गर्न राखिएको खानेतेल, बिस्कुट र पेयपदार्थ  म्याद गुज्रेको  फेला परेपछि कारबाही गरिएको बरालको भनाइ छ ।

उपभोक्ता संरक्षण ऐन २०७५ बमोजिम म्याद सकिएको खाद्यवस्तु बिक्री गर्ने पसललाई २ लाख जरिबाना गरिएको बरालले जानकारी दिनुभयो । योभन्दा अगाडि माक्सको कालोबजारी गर्ने बिराटनगरको श्री सर्जिकललाई वाणिज्य कार्यालयले ३ लाख जरिबाना गरेको थियो ।