काठमाण्डौ – जापानका प्रधानमन्त्री शिन्जो आबेले पदबाट राजीनामा दिनुभएको छ । स्वास्थ्यमा आएको खराबीका कारण उहाँले पदबाट राजीनामा दिनुभएको हो ।

उहाँले आफ्नो स्वास्थ्यमा खराबी आएकाले नियमित औषधि खानुपर्ने र आफ्नो स्वास्थ्यकै कारण गलत निर्णय हुन नहुने भन्दै राजीनामा दिनुभएकाे बीबीसीले जनाएको छ ।

उहाँले आफ्नो स्वास्थ्यका कारण सरकारलाई समस्या नपरोस् भन्ने चाहेको पनि बताउनुभएको छ । शिन्जाे आबेले कार्यकाल पूरा गर्न नसकेको भन्दै नागरिकसँग माफीसमेत माग्नुभएको छ ।

प्रधानमन्त्री आबे केही समय यता अस्वस्थ हुनुहुन्छ । केही दिनअघि मात्रै जापानको इतिहासमै सबैभन्दा लामो अवधिसम्म लगातार प्रधानमन्त्री हुने उहाँ पहिलो व्यक्ति हुनुभएको थियो ।

 याे पनि पढ्नुहाेस्

जापानका प्रधानमन्त्री आबेको ऐतिहासिक कार्यकाल

सन् २०१२ को अन्त्यतिर दोस्रो कार्यकालका लागि उहाँ प्रधानमन्त्रीमा चुनिनुभएको थियो । गएको ८ गते उहाँ प्रधानमन्त्री भएको दुई हजार सात सय ९९ औँ दिन पुगेको थियो ।