धनकुटा - धनकुटामा १३ जना प्रहरीसहित १९ जनामा कोरोना भाइरसको सङ्क्रमण देखिएको छ । 

धरानकाे बीपी कोइराला स्वास्थ्य विज्ञान प्रतिष्ठानमा पीसीआर परीक्षण गर्दा १९ जनामा कोरोना सङ्क्रमण पुष्टि भएको हो । 

धनकुटाबाट ९५ जनाको पीसीआर परीक्षणको लागि पठाएकामध्ये ४५ जनाको रिपोर्ट आएको छ । जसमध्ये १३ जना प्रहरी र अन्य ६ जनामा कोरोना सङ्क्रमण देखिएको स्वास्थ्य कार्यालय धनकुटाका प्रमुख तुलसी गुरागाईँले बताउनुभयो । उनीहरु विभिन्न ठाउँबाट सरुवा भएर धनकुटा पुगेका थिए । उनीहरु सबै क्वरेण्टीनमा रहेको जिल्ला प्रहरी कार्यालय धनकुटाका एसपी गोविन्द अधिकारीले बताउनुभयो ।

अरु ६ जनामा ४ जना नेपाल टेलिकम धनकुटाका कर्मचारीहरु रहेका छन् । धनकुटामा कोरोना भाइरसको सङ्क्रमण देखिएको यो अहिलेसम्मको सबैभन्दा बढी संख्या हो ।