काठमाडौं – प्रधानमन्त्री केपी शर्मा ओलीले बिमस्टेक सम्मेलन सफल पार्न नागरिकले खेलेको भूमिकाको प्रशंसा गर्नुभएको छ । 

प्रधानमन्त्री ओलीले शुक्रबार ट्वीट गर्दै विभिन्न देशका विशिष्ट अतिथिहरुको स्वागत गर्ने क्रममा राजधानीको सवारी आवागमनमा पुगेको कठिनाईका बाबजुद पनि नागरिकले खेलेको भूमिका सह्रानीय रहेको बताउनु भएको हो ।  

उहाँको ट्वीटमा भनिएको छ, ‘अतिथि देवो भवः हाम्रो गौरवशाली संस्कृति हो । बिमस्टेक सम्मेलनका विशिष्ट अतिथिहरुलाई स्वागत गर्ने क्रममा राजधानीको सवारी आवागमनमा उत्पन कठिनाई झेल्दै सम्मेलन सफल पार्न नागरिकले खेलेको भूमिकाको म उच्च प्रशंसा गर्दछु ।’

अतिथि देवो भव हाम्रो गौरवशाली संस्कृति हो । बिम्स्टेक सम्मेलनका विशिष्ट अतिथिहरुलाई स्वागत गर्ने क्रममा राजधानीको सवारी आवागमनमा उत्पन्न कठीनाइ झेल्दै सम्मेलन सफल पार्न नागरिकले खेलेको भूमिकाको म उच्च प्रशंसा गर्दछु ।

— K P Sharma Oli (@kpsharmaoli) 31 August 2018

साथै यस्ता उच्चस्तरीय कार्यक्रममा समेत आवागमन प्रभावित नहुने गरी दीर्घकालीन भौतिक पूर्वाधार निर्माणमा सरकारले ध्यान दिने पनि उहाँले उल्लेख गर्नुभएको छ । 

यस्ता उच्चस्तरीय कार्यक्रममा समेत आवागमन प्रभावित नहुनेगरी दीर्घकालीन भौतिक पूर्वाधार निर्माणमा सरकारले ध्यान दिनेछ ।

— K P Sharma Oli (@kpsharmaoli) 31 August 2018