हेँवा खोलाले १८ दिनमा तीन जनाको ज्यान लियो, एक बालक  बेपत्ता

 भदौ १८, २०७५ सोमबार १८:१०:४८ | उपेन्द्र येक्तेन
unn.prixa.net

पाँचथर – पाँचथरको फिदिम नगरपालिका र हिलिहाङ गाउँपालिकाको बीचबाट बग्ने हेँवा खोलामा बगेर भदौ महिना लागेयता मात्र तीन जनाको ज्यान गएको छ । 

एकजना अझै बेपत्ता छन् । माछा मार्न खोलामा गएका जिल्लाको फिदिम नगरपालिका–४ का देवीप्रसाद सम्बाहाम्फेलाई हेँवा खोलाले बगाएर बेपत्ता भएका आठ दिनपछि गएको भदौ नौ गते शव फेला परेको थियो । 

भदौ नौ गतेनै हेँवा खोलाले बगाएर बेपत्ता भएकी हिलिहाङ गाउँपालिका–७ की सुनमाया तामाङ पनि मृत अवस्थामा खोला किनारमा फेला परेको पाँचथर प्रहरीले जनाएको छ । यस्तै आइतबार मात्र खोलाले बगाएर बेपत्ता भएका कुम्मायक गाउँपालिका–५ का २६ वर्षीय दुर्गा आङदेम्वेको सोमबार खोला किनारमा शव फेला परेको छ ।

आइतबार दिउँसो २ बजे समयमा गाउका २५ वर्षीय साथि सुमन लावतीसँग खोलामा नुहाउन गएका दुवै जनालाई खोलामा बगाएका थियो तर खोलाले बगाउँदै गरेको स्थानियले देखेपछि सुमनलाई उद्धार गरेका थिए । गएको भदौ १० गते जनैपूर्णिमाको दिन बुवासँग खोलामा जनै फेर्न जाँदा खोलाले बगाएर भएका फिदिम–१ का आठ वर्षीय बालक डेनिस उपे्रतीलाई अझै भेटिएको छैन् ।

खोलामा नुहाउन तथा माछा मार्न नजान प्रहरीको आग्रह

भदौ महिना लागेयता मात्र हेँवा खोलाले बगाएर तीन जनाले ज्यान गुमाएको र एक जना बालकको अवस्था  बेपत्ता भएपछि पाँचथर प्रहरीले जिल्लाको चारवटा खोलामा नुहाउने कार्य गर्न, माछा मार्न नजान आग्रह गरेको छ । 
 

अन्तिम अपडेट: बैशाख ३०, २०८१

उज्यालोका खबर फेसबुक, इन्स्टाग्राम, एक्स ट्वीटरयूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उपेन्द्र येक्तेन

पाँचथरका उज्यालो सहकर्मी उपेन्द्र येक्तेन इगल एफएममा पनि काम गर्नुहुन्छ । 

तपाईको प्रतिक्रिया