कञ्चनरुप र हनुमाननगर नगरपालिकाका विद्यालय तीन दिनका लागि बन्द

भदौ ३०, २०७५ शनिबार २०:२६:२४ | शुभनारायण यादव

सप्तरी – स्वाइन फ्लू र हङकङ फ्लूको प्रकोप फैलिएसँगै सप्तरीको कञ्चनरुप नगरपालिका र हनुमाननगर नगरपालिकाका शैक्षिक संस्था तीन दिनका लागि बन्द गरिएको छ ।

दुवै नगरपालिकालाई विपत् क्षेत्र घोषणा गरिएसँगै शनिबारदेखि विद्यालय बन्द गरिएको हो । स्वाइन फ्लू र हङकङ फ्लूको प्रकोप नियन्त्रणका लागि एक हप्तादेखि दुवै नगरपालिकामा स्वास्थ्य परीक्षण भैरहेको छ ।

पाँच ठाउँमा राखिएको स्वास्थ्य शिविरमा १ सयभन्दा बढीले रगत जाँच गराएका छन् । रगत थप परीक्षणका लागि काठमाडौं ल्याइएको जिल्ला अस्पताल कञ्चनपुरले जनाएको छ । अहिले रोगबारे जनचेतना फैलाउने काम पनि भएको र यसले प्रकोप नियन्त्रणमा सहयोग पुगेको स्वास्थ्यकर्मीहरुले बताएका छन् ।

जिल्ला दैवी प्रकोप उद्दार समितिले प्रकोप नियन्त्रण नहुन्जेलसम्मका लागि नगरपालिका क्षेत्रलाई विपत् क्षेत्र घोषणा गरेको छ । प्रकोपका कारण अहिलेसम्म ५ जनाले ज्यान गुमाइसकेका छन् ।

१७ सय बढी बिरामी छन् । बिरामीमा ज्वरो आउने, खोकी लाग्ने लगायतका लक्षण देखिएको स्वास्थ्यकर्मीले बताएका छन् ।

अन्तिम अपडेट: कात्तिक १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शुभनारायण यादव

शुभनारायण यादव सप्तरीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्