मकवानपुर – हेटौँडा उपमहानगरपालिकामा चार वटा वडामा १२ सय ५० मत गन्दा गठबन्धनका तर्फबाट मेयरकी उम्मेदवार नेकपा एकीकृत समाजवादी अगाडि देखिएकाे छ । गठबन्धनका तर्फबाट मेयरकी उम्मेदवार मीनाकुमारी लामा १८ मतले अगाडि हुनुहुन्छ । एमालेका मेयरका उम्मेदवार अनन्तप्रसाद पाैडेलले लामालाई पछ्याउँदै हुनुहुन्छ ।

एकीकृत समाजवादीकी लामाले ३ सय ८८ मत प्राप्त गर्दा एमालेका पौडेलले ३ सय ७० मत प्राप्त गर्नुभएको छ । यस्तै राप्रपाका मेयरका उम्मेदवार दीपकबहादुर सिंहले ३ सय ४२ मत प्राप्त गर्नुभएको छ । 

यस्तै उपमेयरमा गठबन्धनका तर्फबाट कांग्रेसका उम्मेदवार राजेश बानियाँले ५ सय ७५ मत प्राप्त गर्दा एमालेका उपमेयरका उम्मेदवार सुमित्रा काफ्लेले ४ सय ८ मत र राप्रपाकी इन्दिरा न्यौपानेले ८८ मत प्राप्त गर्नुभएको छ ।