मकवानपुर - मकवानपुरको कैलाश गाउँपालिकाको अध्यक्षमा सत्तारुढ गठबन्धनका उम्मेदवारहरु विजयी भएका छन् ।

गठबन्धनकाबाट नेपाली कांग्रेसका उम्मेदवार लोकबहादुर मुक्तान र उपाध्यक्षमा माओवादी केन्द्रका बालकुमार मल्ल विजयी हुनु भएको हो ।

मुक्तानले ४ हजार ८ सय ९७ मत पाउँदा निकटतम प्रतिद्वन्द्वी नेकपा एमालेका उम्मेदवार नरेन्द्रलाल रिजालले ४ हजार ९३ मत पाउनुभयो । यस्तै उपाध्यक्षमा विजयी मल्लले ४ हजार ८८ मत पाउँदा निकटतम प्रतिद्वन्द्वी नेकपा एमालेकी सुकुमाया थिङले ३ हजार ९ सय ३७ मत पाउनुभयो ।

यसअघि मकवानपुरका दु ईवटा पालिकाको नतिजा सार्वजनिक भइसकेको छ । मकवानपुरको इन्द्रसरोवर गाउँपालिकामा नेकपा एमालेका उम्मेदवार देवकृष्ण पुडासैनी र उमा दाहाल अध्यक्ष र उपाध्यक्षमा निर्वाचित हुनु भएको थियो ।

यस्तै भीमफेदी गाउँपालिकामा नेकपा एमालेका हिदम लामा र नेपाली कांग्रेसका सञ्जीव श्रेष्ठ अध्यक्ष र उपाध्यक्षमा निर्वाचित हुनु भएको छ ।