काठमाडौं – छातीमा सङ्क्रमण देखिएपछि त्रिभुवन विश्वविद्यालय, शिक्षण अस्पतालमा भर्ना हुनुभएका प्रधानमन्त्री केपी शर्मा ओलीको स्वास्थ्य अवस्था सामान्य रहेको उहाँका जनसम्पर्क सल्लाहकार अच्युत मेनालीले बताउनुभएको छ । 

बाहिर हल्ला गरिएजस्तो प्रधानमन्त्री ओलीको स्वास्थ्य अवस्था जटिल नभएको सल्लाहकार मैनालीले बताउनुभयो । चिसोले गर्दा खोकी अलि बढेको मात्रै भएको भन्दै मैनालीले आत्तिनुपर्ने अवस्था नरहेको बताउनुभयो । उहाँले पत्रकारहरुसँग कुरा गर्दै भन्नुभयो, ‘चिसोले गर्दा खोकी अलि बढेको हो, आत्तिनु पर्दैन । केही दिन उहाँ डाक्टरहरुको निगरानीमा अस्पतालमै बस्नुहुन्छ ।’

प्रधानमन्त्री निवास बालुवाटारमै राख्दा भिडभाडका कारण संक्रमण हुन सक्ने भएकाले मात्रै अस्पतालमा राखेर उपचार गरिएको मैनालीले बताउनुभयो । डाक्टरहरुले प्रधानमन्त्रीको स्वास्थ्य अवस्थामा क्रमिक सुधार भैरहेको र विदेश लैजान नपर्ने बताएको पनि मैनालीले बताउनुभयो । 

प्रधानमन्त्री ओलीको स्वास्थ्य अवस्था बुझ्न नेता कार्यकर्ता तथा शुभेच्छुकहरु अस्पताल आइरहेका छन् ।