महिलाको शंकास्पद मृत्यु, श्रीमान र ससुरा नियन्त्रणमा

कात्तिक १४, २०७५ बुधबार २०:१०:२ | शुभनारायण यादव

सप्तरी – सप्तरीको बोदे बर्साइन नगरपालिकामा बुधबार एक महिलाको रहस्यमय मृत्यु भएको छ ।

विषादी सेवनबाट वडा न. ७ की २५ वर्षीया आरती कुमारी यादवको शंकास्पद मृत्यु भएको जिल्ला प्रहरी कार्यालय सप्तरीले जनाएको छ ।

घटनालगत्तै इलाका प्रहरी कार्यालय बोदे बसाईनले मृतकका श्रीमान ३० वर्षीय अशोक यादव र ससुरा ५५ वर्षीय रामदेव यादवलाई अनुसन्धानका लागि नियन्त्रणमा लिएको छ ।

इलाका प्रहरी कार्यालय बोदे बर्साइनका अनुसार धान, तरकारीमा छर्कने ब्लुम नामक विषादीको बट्टा मृतकको घरबाट बरामद गरिएको छ । पाँच वर्षदेखि वैदेशिक रोजगारका लागि मलेसियामा रहेका अशोकले विदेशमै बिहे गरेको कुरामा घरमा विवाद भइरहेको थियो ।

चारदिन अघि मात्र विदेशबाट घर आएका अशोक र आरतीबीच बहुविवाह गरेको कुरामा दैनिक विवाद हुने गरेको छिमेकीले बताएका छन् ।
दुई वर्षअघि सामाजिक परम्पराअनुसार विवाह भएको थियो भने मृतकको कुनै सन्तान छैन् ।

इलाका प्रहरी कार्यालय कल्याणपुरका अनुसार विष सेवनबाट गम्भीर बनेकी उनको उपचारका क्रममा सिरहाको लहानस्थित राउ स्मारक अस्पतालमा मृत्यु भएको हो ।

महिलाको शंकास्पद मृत्यु भएपछि बोदे बर्साइन नगपालिका ५ मा रहेको मृतकको माइत पक्षलाई खबर गरिएको छ ।

शंकास्पद मृत्यु भएपछि प्रहरीले मृतकका श्रीमान र ससुरालाई नियन्त्रणमा लिएर अनुसन्धान सुरु गरिएको सप्तरीका एसपी राजेन्द्र विष्टले जानकारी दिनुभयो ।

बहुविवाहको विवाद र झगडापछि आवेशमा विषसेवन गरेर आत्महत्या गरेको वा अन्य कसैले विषसेवन गराई हत्या गरेको विषयमा थप अनुसन्धान भइरहेको प्रहरीले जनाएको छ ।

अन्तिम अपडेट: कात्तिक ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शुभनारायण यादव

शुभनारायण यादव सप्तरीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्