एसीसी १९ वर्षमूनीको महिला प्रिमियर कपमा नेपाल तेस्रो

उज्यालो सहकर्मी

शनिबार, साउन २, २०८३

एसीसी १९ वर्षमूनीको महिला प्रिमियर कपमा नेपाल तेस्रो भएको छ । आज बिहान मलेसियामा तेस्रो स्थानको लागि भएको खेलमा नेपालले इन्डोनेसियालाई ९ विकेटले हरायो ।

इन्डोनेसियाले दिएको ६९ रनको सामान्य लक्ष्य नेपालले १४ ओभर २ बलमा एक विकेट गुमाएर भेट्टायो । नेपालका साना प्रविणले अविजित २५ रन जोडिन । सावित्री धामीले २४ रन तथा करुणा बिष्टले अविजित १६ रन बनाइन ।

यसअघि टस जितेर पहिला ब्याटिङ गरेको इन्डोनेसियाले २० ओभरमा ९ विकेट गुमाउँदै ६८ रन बनाएको थियो । मनिषा उपाध्यायले ४ विकेट लिइन ।

यसअघि हिजो भएको सेमिफाइनलमा नेपाल यूएईसँग ‘सुपर ओभर’ मा पराजित भएको थियो । नेपाली टोली यसअघि नै एशिया कपमा छनोट भैसकेको छ ।

प्रकाशित मिति: शनिबार, साउन २, २०८३ ११:३७