नागढुंगा–मुग्लिन सडकखण्ड र बीपी राजमार्ग अवरुद्ध

उज्यालो सहकर्मी

सोमबार, साउन ४, २०८३

फाइल तस्विर

काठमाण्डौ —काठमाण्डौ ओहोरदोहोर गर्ने मुख्य नाका नागढुंगा–मुग्लिन सडकखण्ड र बीपी राजमार्ग अवरुद्ध भएको छ । धादिङको जोगिमारा आसपासका विभिन्न ठाउँमा पहिरो खसेकाले सडक अवरुद्ध भएको हो । अवरुद्ध सडक खुलाउने प्रयास भैरहेको धादिङ प्रहरीले जनाएको छ ।

रातभर बन्द गरिएको सडक अहिले बिहान ५ बजेदेखि खुल्ने भनिए पनि पहिरो पन्छाउन समय लागेको प्रहरीको भनाइ छ । पानी पर्न थालेपछि नागढुंगा–मुग्लिन र मुग्लिन–नारायणगढ सडकखण्डमा प्रहरीले रातको समयमा गाडी सञ्चालनमा रोक लगाउँदै आएको छ ।

यस्तै पहिरोका कारण बीपी राजमार्ग पनि अवरुद्ध भएको ट्राफिक प्रहरीले जनाएको छ ।

प्रकाशित मिति: सोमबार, साउन ४, २०८३ ०६:१७