कुवेतमा भएको ड्रोन आक्रमणमा तेह्रथुमका सोमकुमारको ज्यान गयाे

उज्यालो सहकर्मी

शुक्रबार, साउन १५, २०८३

कुवेतमा भएको ड्रोन आक्रमणमा तेह्रथुमका सोमकुमारको ज्यान गयाे

तस्वीर : एजेन्सी

काठमाण्डाै – कुवेतमा भएको ड्रोन आक्रमणमा तेह्रथुमका सोमकुमार तामाङको ज्यान गएको पुष्टि भएको छ ।

कुवेतमा रहेको नेपाली दूतावासले हिजो भएको ड्रोन आक्रमणमा गाडी चलाउने काम गर्दै आएका तेह्रथुमका ४४ वर्षीय सोमकुमारको ज्यान गएको पुष्टि गरेको हो ।

दूतावासले घटनाप्रति दुःख व्यक्त गरी शव स्वदेश पठाउन आवश्यक सम्पूर्ण प्रक्रिया सम्बन्धित निकायसँग समन्वय र सहकार्य गरेर अघि बढाएको पनि जनाएको छ ।

कुवेतमा रहेका सम्पूर्ण नेपालीलाई कुवेत सरकारले जारी गरेका सुरक्षा मापदण्डको पूर्ण पालना गर्न, संयमित रहन तथा सुरक्षित ठाउँमा बस्न नेपाली राजदूतावासले आग्रह गरेको छ ।