म्यानपावर व्यवसायीले श्रमिक पठाउन बन्द गरे

काठमाण्डाै – म्यानपावर व्यवसायीले १५ बुँदे माग राखेर आजदेखि वैदेशिक रोजगारीमा श्रमिक पठाउन बन्द गरेका छन् ।

वैदेशिक रोजगार क्षेत्रका विभिन्न नीतिगत सुधारको माग गर्दै नेपाल वैदेशिक रोजगार व्यवसायी सङ्घले आजैदेखि लागू हुने गरी श्रमिक पठाउने कार्य बन्द गर्ने घोषणा गरेको छ ।

सङ्घले आज काठमाण्डाैमा पत्रकार सम्मेलन गरी देशको अर्थतन्त्रमा रेमिट्यान्सको ठूलो योगदान रहे पनि नीतिगत जटिलता, अव्यावहारिक व्यवस्था र समयसापेक्ष सुधार नहुँदा यो क्षेत्रका समस्या समाधान हुन नसकेको जनाएको छ ।

सङ्घका अध्यक्ष डिकबहादुर खत्रीले विशेष परिस्थितिमा सरकारको निर्णय पालना गर्दा व्यवसायीलाई कारबाही गरेको भन्दै अब म्यानपावरले कामदार पठाउन बन्द गरेको बताउनुभएको छ ।