इजरायलका स्याहार केन्द्रमा १ हजार ४६४ नेपाली कामदारका लागि आवेदन खुला

उज्यालो सहकर्मी

मंगलबार, भदौ २३, २०८३

इजरायलका स्याहार केन्द्रमा १ हजार ४६४ नेपाली कामदारका लागि आवेदन खुला

फाइल तस्वीर

काठमाण्डौ – इजरायलका दीर्घकालीन स्याहार केन्द्रमा गम्भीर अपांगता भएका जुनसुकै उमेरका व्यक्तिको स्याहारका लागि सहायक कामदारमा आवेदन खुलेको छ ।

वैदेशिक रोजगार विभागको सूचनाअनुसार एक हजार १३२ जना महिला र ३३२ जना पुरुष गरी कुल १ हजार ४६४ जना नेपाली कामदारको माग गरिएको हो । आवेदन दिन २५ वर्ष पूरा भई ४५ वर्ष ननाघेको हुनुपर्नेछ ।

इच्छुकले आजराति १२ बजेदेखि आउँदो असोज २६ गते मध्यरातिसम्म अनलाइनमार्फत आवेदन दिन सक्नेछन् ।

आवेदन वैदेशिक रोजगार विभागको वेबसाइटमार्फत दिन सकिन्छ । कामदारका लागि खानाको व्यवस्था नहुने भए पनि बस्ने व्यवस्था कम्पनीले गर्नेछ ।

प्रकाशित मिति: मंगलबार, भदौ २३, २०८३ ०९:११