मधेशबाट प्रतिनिधित्व गर्ने दलका नेतासँग प्रधानमन्त्रीको छलफल

काठमाण्डाै – प्रधानमन्त्री वालेन्द्र शाह (बालेन) ले मधेशबाट प्रतिनिधित्व गर्ने राजनीतिक दलका नेताहरूसँग छलफल गर्नुभएको छ ।

प्रधानमन्त्री तथा मन्त्रिपरिषद्को कार्यालयमा सुनसरीलगायत मधेशका केही जिल्लामा उत्पन्न तनाव समाधानबारे आज छलफल भएको प्रधानमन्त्रीको सचिवालयले जनाएको छ ।

छलफलमा डा. सीके राउत, महन्थ ठाकुर, राजेन्द्र महतो, लालबाबु राउत, समिम मियाँ अन्सारी, प्रभु शाह, अमरेशकुमार सिंह, शरतसिंह भण्डारी, जयकान्त राउतलगायतका नेता सहभागी हुनुभएको थियो ।

छलफलमा सहभागी नेताहरूले प्रधानमन्त्रीलाई यस्तो कुराकानी र छलफल २/३ दिनअघि नै गरी आवश्यक सम्बोधन गरिएको भए यो अवस्था हुँदैनथ्यो भनेको बताएका छन् ।

आज बिहान मात्रै पीडित र सरकारबीच सम्झौता भएको छ । मधेशबाट प्रतिनिधित्व गर्ने दलका नेताहरूले सम्झौतालाई रद्दीको टोकरीमा नफाल्न पनि सुझाव दिएका छन् ।

सुनसरी घटनाको छानबिनका लागि गठित समितिको प्रतिवेदन आएपछि थप कारबाहीको प्रक्रिया अघि बढ्ने प्रधानमन्त्री शाहले प्रतिबद्धता जनाउनुभएको छ ।