स्पेनमा आप्रवासी प्रवेश गरेकोबारे छलफल गर्न ईयूद्वारा आपतकालीन बैठकको आह्वान

मोरक्कोबाट स्पेनको सेउटामा आप्रवासी प्रवेश गरेको विषयमा छलफल गर्न युरोपेली सङ्घ (ईयू) ले आपतकालीन बैठकको आह्वान गरेको छ ।

स्पेन र अन्य सदस्य देशहरूबीच तनावपूर्ण अवस्थापछि, युरोपेली संघले सेउटामा देखिएको आप्रवासी सङ्कटबारे छलफल गर्न तत्काल आपतकालीन बैठक आयोजना गर्न लागेको बीबीसीले जनाएको छ ।

मोरक्कोबाट झण्डै ६० हजार आप्रवासी स्पेनको भागमा प्रवेश गरेपछि, २२ सदस्य देशहरूले समन्वयात्मक कदम चाल्न र युरोपेली संघको बाह्य सीमालाई सुदृढ बनाउन आह्वान गर्दै संयुक्त पत्र जारी गरिसकेका छन् ।

स्पेनी अधिकारीहरूका अनुसार सेउटा पुगेका लगभग सबै आप्रवासी फर्किसकेका छन् । यो घटनामा ज्यान गुमाउनेको संख्या कम्तीमा ६७ पुगेको छ । स्पेनका प्रधानमन्त्री पेद्रो सान्चेजले स्थिति पूर्ण रूपमा नियन्त्रणमा आइसकेको बताउनुभएको छ ।