एक महिनामा नेपाल भित्रिए ७१ हजारभन्दा बढी विदेशी पर्यटक

उज्यालो सहकर्मी

सोमबार, साउन १८, २०८३

एक महिनामा नेपाल भित्रिए ७१ हजारभन्दा बढी विदेशी पर्यटक

पर्यटकको फाइल फोटो

काठमाण्डौ - जुलाई महिनामा साढे ७१ हजार भन्दा धेरै विदेशी पर्यटक हवाइमार्गबाट नेपाल भित्रिएका छन् । मध्य मनसुन भएकाले पर्यटन व्यवसायमा अफसिजन मानिने जुलाइ महिनामा ७१ हजार ७७५ विदेशी पर्यटक भित्रिएका नेपाल पर्यटन बोर्डको तथ्याङ्क छ ।

बोर्डका अनुसार यो संख्या अघिल्लो वर्षको जुलाई महिनाको भन्दा २ दशमलव ३ प्रतिशत बढी हो । २०२५ जुलाईमा ७० हजार १९३ पर्यटक नेपाल आएका थिए । यस वर्षको जुलाइमा भारतबाट २३ हजार ४९० जना पर्यटक आएका छन् । यो कुल आगमनको ३२ दशमलव ७३ प्रतिशत हो ।

त्यस्तै चीनबाट ११ हजार ९९ पर्यटक आएका छन् । यस्तै युरोपेली देशबाट ९ हजार २७९ जना र अमेरिकी देशबाट ८ हजार ८२४ जना पर्यटक आएका छन् ।

प्रकाशित मिति: सोमबार, साउन १८, २०८३ १६:५४