काेशीमा नेकपा सरकारमा समेटियाे

काठमाण्डाै – नेकपा एमाले र नेपाली कम्युनिस्ट पार्टी (नेकपा) बीच केन्द्रीय तहमा ३ बुँदे सहमति भएपछि नेकपा कोशी प्रदेश सरकारमा सहभागी भएको छ ।

आज प्रदेश प्रमुख परशुराम खापुङले नेकपाका ४ जना मन्त्री र १ राज्यमन्त्रीलाई पद तथा गोपनीयताको शपथ गराउनुभएको हो । २०८१ साल वैशाख २७ गते गठित मन्त्रिपरिषद‍्मा केन्द्रमा भएको सहमतिअनुसार नेकपा समावेश भएको हो ।

यसअघि गठबन्धनमा रहेको नेपाली कांग्रेसका मन्त्रीहरूले राजीनामा दिएपछि यो नयाँ समीकरण बनेको हो ।

नेकपाबाट खिनु लङ्वा लिम्बू पर्यटन, वन तथा वातावरण मन्त्री; जीवन आचार्य भौतिक पूर्वाधार विकास मन्त्री, गोम्बु शेर्पा आन्तरिक मामिला तथा कानून मन्त्री, गीता तिम्सिना सामाजिक विकास मन्त्री र सपना दर्जी भौतिक पूर्वाधार विकास राज्यमन्त्री बन्नुभएको छ ।

नेकपा सरकारमा भित्रिएसँगै एमालेका मन्त्रीहरूको जिम्मेवारीमा केही परिवर्तन भएको छ ।