चाैथाे संस्करणकाे ‘टाटा ईभी कार्निभल’ शुरू

काठमाण्डाै – नेपालमा विद्युतीय गाडी (ईभी) को प्रयोगलाई प्रोत्साहन गर्न र ग्राहकलाई सहजरूपमा ईभीमा पहुँच पुर्‍याउने उद्देश्यले चाैथाे संस्करणकाे ‘टाटा ईभी कार्निभल’ शुरू भएकाे छ ।

टाटा मोटर्सको नेपालका लागि आधिकारिक वितरक सिप्रदी ट्रेडिङले आयाेजना गरेकाे विशेष कार्निभल देशभरका टाटा ईभी शाेरुमहरूमा आउँदाे आइतवार भदाै ७ गतेसम्म सञ्चालन हुनेछ ।

यस कार्यक्रममा ग्राहकले टाटाका अत्याधुनिक मोडलहरू– टियागो ईभी र पन्च ईभीको खरिदमा अभूतपूर्व र सीमित समयका लागि उपलब्ध हुने आकर्षक सुविधाहरू प्राप्त गर्न सक्नेछन् ।

यस संस्करणको कार्निभललाई थप विशेष बनाउन कम्पनीले विभिन्न आकर्षक उपहार तथा छुट योजनाहरू ल्याएको छ । मुख्य आकर्षणका रूपमा, नयाँ ईभी खरिद गर्न चाहने ग्राहकले आफ्नो पुरानो गाडीको ‘बेस्ट–इभर एक्सचेन्ज भ्यालुएसन’ अर्थात् अहिलेसम्मकै उत्कृष्ट मूल्याङ्कन पाउनेछन् । यसका साथै टाटा मोटर्सले टियागो ईभी र पन्च ईभी बुकिङ गर्ने ग्राहकका लागि ‘जीवनभर निःशुल्क डीसी फास्ट चार्जिङ’ सुविधाको घोषणा गरेको छ जसले गाडी सञ्चालन खर्चलाई शून्यमा झार्न मद्दत गर्नेछ ।

यस्तै ग्राहकले गाडीका लागि आवश्यक पर्ने ‘एसेसरिज’ पनि निःशुल्क प्राप्त गर्नेछन् । साथै यस योजनाअन्तर्गत गाडी खरिद गर्दा लाग्ने ‘पहिलो वर्षको वार्षिक सवारी कर’ र ‘होम चार्जिङ जडान’ खर्च पनि कम्पनीले नै व्यहोर्नेछ ।

टाटा मोटर्सले विद्युतीय मोबिलिटीमा फड्को मार्न चाहने नेपाली ग्राहकका लागि यो एउटा सुवर्ण अवसर भएको जनाएको छ ।