रसुवा भन्सार कार्यालयका १४ कर्मचारी सम्पर्कविहीन

रासस

बुधबार, भदौ १०, २०८३

रसुवा भन्सार कार्यालयका १४ कर्मचारी सम्पर्कविहीन

काठमाण्डौ - रसुवाको टिमुरेमा रहेको भन्सार कार्यालयमा कार्यरत १४ जना कर्मचारी सम्पर्कविहीन भएका छन् ।

भोटेकोशी नदीमा आज बिहान आएको बाढीपछि उहाँहरू सम्पर्क विहीन रहेको अर्थ मन्त्रीको सचिवालयले जनाएको छ । अर्थमन्त्री डा. स्वर्णिम वाग्लेको सचिवालयका अनुसार रसुवा भन्सारमा कार्यरत ११ स्थायी कर्मचारी र तीन जना करारका कर्मचारी सम्पर्क विहीन भएका हुन् । खोजी कार्य भइरहेको छ ।

रसुवा भन्सार कार्यालयका प्रमुख भन्सार प्रशासक राजेन्द्र ढुङ्गानासहित २५ जना कर्मचारी भने सम्पर्कमा आउनुभएको छ ।

प्रकाशित मिति: बुधबार, भदौ १०, २०८३ १३:३२