बाढीमा परेर घाइते भएका २५ जनाकाे काठमाण्डाैमा उपचार चल्दै

काठमाण्डाै – रसुवाको भोटेकोशी नदीमा आज बिहान आएको बाढीमा परेर घाइते भएका २५ जनाको काठमाण्डाैका विभिन्न अस्पतालमा उपचार भइरहेको छ ।

जिल्ला प्रहरी परिसर काठमाण्डाैका प्रवक्ता एवम् प्रहरी उपरीक्षक दानबहादुर थापाका अनुसार चार जनाको राष्ट्रिय ट्रमा सेन्टरमा उपचार भइरहेको छ । उहाँका अनुसार ट्रमा सेन्टरमा नुवाकोटकाे विदुर नगरपालिका–५ का भक्त भण्डारी, सीता भण्डारी, विवेक कुमाल र रिहाना लामिछानेको उपचार भइरहेको छ ।

त्यसैगरी वीरेन्द्र सैनिक अस्पताल छाउनीमा रसुवाकाे गोसाइँकुण्ड गाउँपालिकाका दावा डोल्माको उपचार भइरहेको छ ।

प्रहरीका अनुसार महाराजगञ्जमा रहेकाे त्रिभुवन विश्वविद्यालय शिक्षण अस्पतालमा नुवाकोटकाे विदुर–३ का तेजबहादुर तामाङ, रसुवा गोसाइँकुण्ड–५ का पेम्बा तामाङ, ठेगाना नखुलेका कुशल मगर, कार्की थरका एक पुरुष, नाम थर बताउन नसक्ने एक पुरुष, सिन्धुपाल्चोकका मीनबहादुर श्रेष्ठ, सल्यानका गिरिलाल बुढाथोकी, सिन्धुपाल्चोककाे बाह्रबिसे नगरपालिका–५ का रूपक रोका, सुजन बस्नेत, अशोक श्रेष्ठ र सुशान्त श्रेष्ठ, जाजरकोटका बलबहादुर घर्ती मगरको उपचार भइरहेको छ । साथै गोसाइँकुण्ड–७ का कामु नगरकोटीको पनि यही अस्पतालमा उपचार भइरहेको छ । नगरकोटीको साथमा तीन महिनाको नाबालक शिशुसमेत रहेका छन् ।

प्रहरीका अनुसार गोसाइँकुण्ड–७ का प्रेमदोर्जे घले, नेमा दोर्जे घले, ठेगाना नखुलेका फुर्प लामा, बर्दियाकाे जीतपुरका रामप्रसाद थारु, रसुवाकाे बेत्रावती गाउँपालिका–५ का सुराची राना मगर र भक्तपुरकाे चाँगुनारायण नगरपालिका–१ का रिता दोचाको पनि शिक्षण अस्पतालमा उपचार भइरहेको छ ।

साथै रसुवा अस्पतालमा २१ जना घाइतेको उपचार भइरहेको छ । सागर सहनी, रमेशबहादुर बुढा, ज्ञानबहादुर थिङ, श्यामलाल मोक्तान, चन्द्रबहादुर बुढा, तीर्थबहादुर बुढा, उमेश रावल, राजु तामाङ, भुवनसिंह पाख्रिन, नीमा ग्याल्बो घले, तीर्थबहादुर कार्की, सुकुमान कामी, प्याल्याङ शेर्पा,  रेजिन शेर्पा, मिसान तामाङ, प्रतिमा लामा, फुर्वा योन्जन तामाङ, उपेश चौधरी, रोहन चौधरी, नीमा कर्मा र धुम्पु घलेको उपचार भइरहेको रसुवा अस्पतालले जनाएको छ ।