शेयर बजार १५.४४ अङ्कले बढ्याे

काठमाण्डाै – शेयर बजार लगातार दोस्रो दिन बढेको छ । शेयर बजार परिसूचक नेप्से आज १५.४४ अङ्कले बढेर दुई हजार ५३८.११ विन्दुमा पुगेको छ । हिजो नेप्से ९.२४ अङ्कले उकालो लागेको थियो ।

आज म्युचल फन्ड र निर्जीवन बीमा बाहेक सबै समूहको उपसूचक बढेको छ । आज १९३ वटा कम्पनीको शेयर बढेकोमा ७५ वटाको घटेको छ । यस्तै १० वटा कम्पनीको शेयर भने घटबढ भएको छैन ।

आज उपकार लघुवित्तको शेयर ११.८७ प्रतिशतले बढेको छ । समग्रमा बजार उकालो लागेको दिन एनएमबी इनर्जी बन्डको शेयर ५.८१ प्रतिशतले घटेको छ ।

आज नेप्सेसँगै कारोबार रकम पनि बढेको छ । हिजो २ अर्ब ९० करोडको कारोबार भएकोमा आज ३५४ वटा कम्पनीका ७२ लाख ६८ हजार कित्ता शेयर २ अर्ब ९४ करोड रुपैयाँमा किनबेच भएको छ ।