कङ्गोमा इबोला नियन्त्रण योजना शुरु

लोकतान्त्रिक गणतन्त्र कङ्गो र यसका साझेदारहरूले इबोला प्रकोपको बिरूद्धका प्रयासहरू तीव्र पार्न १८० दिनको बहुक्षेत्रीय इबोला प्रभाव नियन्त्रण तथा प्रतिक्रिया योजना सुरू गरेका छन् ।

अभियानका लागि एक अर्व ३० करोड अमेरिकी डलर अर्थात नेपाली रुपैयाँ झण्डै दुई खर्ब बराबरको आर्थिक कोषको आवाश्यकता पर्ने अनुमान डब्ल्यूएचओले गरेको छ ।

विश्व स्वास्थ्य सङ्गठन (डब्लुएचओ),अफ्रिका सेन्टर फर डिजिज कन्ट्रोल एन्ड प्रिभेन्सन र अन्य साझेदारहरूको सहयोगमा, सञ्चालित योजनाले आउँदो ६ महिनासम्म इबोला नियन्त्रण प्रतिक्रियाका परिचालन मार्ग दर्शनको रुपमा काम गर्ने उद्देश्य राखेको चिनियाँ समाचार संस्था सिन्ह्वाले जनाएको छ ।

अफ्रिकाका लागि डब्ल्यूएचओको क्षेत्रीय कार्यालय अनुसार, इबोलाबाट सेप्टेम्बर २ सम्ममा ६ हजार ३४२ जना सङ्क्रमित भएका छन् । उनीहरु मध्ये तीन हजार ७२ जनाको ज्यान गएको छ ।

कङ्गोमा गएको मे महिनामा आधिकारिक रूपमा घोषण गरिएको इबोला प्रकोप, अहिलेसम्म रेकर्ड गरिएको सबैभन्दा  ठुलो र छिटो फैलिएको इबोला प्रकोपको रुपमा परिचित भएको छ ।