रसुवा बाढीले पारेको प्रभाव अध्ययन गर्न संसदीय उपसमिति गठन

उज्यालो सहकर्मी

बुधबार, भदौ २४, २०८३

रसुवा बाढीले पारेको प्रभाव अध्ययन गर्न संसदीय उपसमिति गठन

तस्वीर : न्युज एजेन्सी नेपाल

काठमाण्डाै – प्रतिनिधिसभाअन्तर्गतकाे अर्थ समितिले रसुवा बाढीबाट अर्थतन्त्रमा पारेको प्रभाव, विश्लेषण एवम् जलवायु वित्तसँग सम्बन्धित अध्ययन तथा विश्लेषण गर्ने भएको छ ।

सिंहदरबारमा आज बसेकाे बैठकले अध्ययन तथा विश्लेषण गर्न सांसद सुशील खड्काको संयोजकत्वमा ७ सदस्यीय उपसमिति गठन गरेको हो । उपसमितिको सदस्यमा सांसद नरेन्द्रकुमार केरुङ, परशुराम तामाङ, डा. पुष्पराज कँडेल, लिमा अधिकारी, पुष्प चौधरी र सुशान्त वैदिक रहनुभएको छ ।

समितिका सभापति डा. कृष्णहरि बुढाथोकीले उपसमितिले रसुवा बाढी र जलवायु वित्तसम्बन्धी अध्ययन गरी असोज २ गतेभित्र प्रतिवेदन पेश गर्नका लागि कार्यदेश दिइएको बताउनुभयो ।

प्रकाशित मिति: बुधबार, भदौ २४, २०८३ १४:५९