पहिरोले अवरुद्ध त्रिभुवन राजपथ खुल्यो

उज्यालो सहकर्मी

बिहीबार, भदौ २५, २०८३

फाइल तस्वीर

काठमाण्डौ – धादिङको नौबिसे नजिकै थाक्रे गाउँपालिका–७ सोपाङखोलामा पहिरो खसेपछि अवरुद्ध काठमाण्डौ–हेटौडा जोड्ने त्रिभुवन राजपथ सञ्चालनमा आएको छ ।

गएराति ९ बजेतिर सुख्खा पहिरो खसेपछि सडक अवरुद्ध भएको हो । बिहानैदेखि चार वटा उपकरण प्रयोग गरेर सडक खुलाइएको जिल्ला प्रहरी कार्यालय धादिङले जनाएको छ ।

सडकमा अझै मोटो सफ गर्ने काम भने भइरहेको छ । पृथ्वी राजमार्गको कृष्णभीरमा सडक अवरुद्ध भएपछि काठमाण्डौ भित्रिने र बाहिरिने गाडीले हेटौँडा– काठमाण्डौ जोड्ने वैकल्पिक सडक प्रयोग गरिरहेका छन् ।

प्रकाशित मिति: बिहीबार, भदौ २५, २०८३ ११:३७