३५ वर्षदेखि बन्द रहेको ललितपुरको शारदा पुस्तकालय पुनः सञ्चालन

काठमाण्डौ – २०४६ सालपछि बन्द भएको ऐतिहासिक शारदा पुस्तकालय  ललितपुर महानगरपालिकाले सञ्चालनमा ल्याएको छ ।

२०४६ सालको जनआन्दोलन अघिसम्म मङ्गलबजारको तत्कालीन ललितपुर नगर पञ्चायतको भवनमा सञ्चालनमा रहेको शारदा पुस्तकालय त्यसयता वेखवर बनेको थियोे । बन्द भएको शारदा पुस्तकालयलाई ललितपुर महानगरपालिकाले आफ्नै कार्यालय भवनमा हिजोदेखि फेरि सञ्चालनमा ल्याएको हो ।

पुस्तकालयको उद्घाटन गर्दै संस्कृति शिरोमणि हरिराम जोशीले ओझेलमा परेको र मृत भैसकेको पुस्तकालय सञ्चालनमा आउनु महत्वपूर्ण भएको भन्दै यसले ज्ञानको प्रचारप्रसारमा ठूलो योगदान पुर्याउने विश्वास व्यक्त गर्नुभयो ।  

ललितपुर महानगरका मेयर चिरीबाबु महर्जनले पठन संस्कृतिलाई जगेर्ना गर्न पुस्तकालयलाई प्राथमिकता दिएको बताउनुभयो ।