अन्तरप्रदेश सार्वजनिक गाडीकाे भाडादार समायाेजन (सूचीसहित)

काठमाण्डाै – यातायात व्यवस्था विभागले मुख्य चाडपर्व दशैँ–तिहारलाई लक्षित गरी लामो तथा मध्यम दूरीको अन्तरप्रदेश सार्वजनिक गाडीकाे भाडादर समायोजन गरेको छ ।

विभागले गएको असार १८ गतेदेखि लागू भएको समायोजित भाडादरलाई नै अहिले कायम गरेको हो । डिजेलको मूल्य घटेपछि यात्रुवाहक तथा मालवाहक गाडीको भाडा २ प्रतिशत घटाइएको थियो ।

विद्युतीय गाडीको हकमा भने विसं २०८१ पुस २२ गतेको निर्णयअनुसारको भाडादर लागू हुने विभागले जनाएको छ । विद्युतीय गाडीमा डिजेल तथा पेट्रोलबाट चल्ने गाडीसरह भाडा लिन पाइने छैन ।

विभागले तोकिएकोभन्दा बढी भाडा नलिन, विद्यार्थी, ज्येष्ठ नागरिक तथा अपाङ्गता भएका व्यक्तिलाई कानूनअनुसार सहुलियत दिन यातायात व्यवसायीलाई निर्देशन दिएको छ ।

बढी भाडा लिएमा ट्राफिक प्रहरीको हटलाइन १०३ मा उजुरी गर्न सकिने विभागले जनाएको छ ।