यू-१९ एशिया कप क्रिकेटमा पाकिस्तानले भारतलाई हरायो

काठमाण्डौ - ओमानमा चलिरहेको १९ वर्षमुनिको एशिया कप क्रिकेटमा पाकिस्तानले भारतलाई ३ विकेटले पराजित गरेको छ । 

भारतले दिएको २०९ रनको लक्ष्य पाकिस्तानले ४८ ओभर ५ बलमा ७ विकेट गुमाएर पूरा गर्‍यो । पाकिस्तानको जितमा हमजा जहूरले अविजित १०० रन बनाए । उनले हसनैन अब्बास मीरसँग छैटौँ विकेटका लागि १०७ रनको साझेदारी गरेका थिए । 

यसअघि पहिले ब्याटिङ गरेको भारतले ४६ ओभर ३ बलमा सबै विकेट गुमाएर २०८ रन बनाएको थियो । भारतका अर्जुन राजपुतले १०७ रन बनाए पनि टोलीको हार टार्न सकेनन् । जितसँगै पाकिस्तान ४ अंकसहित समूह ‘बी’ को शीर्ष स्थानमा पुगेको छ ।  भारत २ अंकसहित दोस्रो स्थानमा छ। 

यसअघि हिजै सम्पन्न खेलमा नेपाल यूएईसँग ७ विकेटले पराजित भएको छ । प्रतियोगितामा नेपालले अब समूह चरणको अन्तिम खेलमा भोलि पाकिस्तानसँग खेल्नेछ ।