नेभिगेशन
मंगलबार, मंसिर १, २०८३

भारतमा सडकका खाल्डा र जग्गाको अभिलेख व्यवस्थित गर्न एआईको प्रयोग

भारतका विभिन्न स्टार्टअपहरूले सडकका खाल्डाखुल्डी पहिचान गर्न र अव्यवस्थित जग्गाको अभिलेख व्यवस्थित गर्न कृत्रिम बुद्धिमत्ता (एआई) को प्रयोग थालेका छन् ।

भारतमा कम्तीमा आधा दर्जन स्टार्टअपले एआई प्रविधिबाट सडकको अवस्था नक्साङ्कन गरी सम्बन्धित निकायलाई मर्मतका लागि जानकारी पठाइरहेको बीबीसीले जनाएको छ ।  

त्यस्तै, ल्यान्डीड नामक एआई प्लेटफर्मले देशका २४ राज्यका जग्गासम्बन्धी विभिन्न सरकारी अभिलेख एकै ठाउँमा ल्याएर जग्गाको स्वामित्व जाँच गर्न सहयोग गरिरहेको छ । यसले जग्गाको स्वामित्वसम्बन्धी कागजात अध्ययन गरी त्रुटि र विवाद पहिचान गर्न सक्ने दाबी गरिएको छ ।

भारतका केही कम्पनीले स्वास्थ्य क्षेत्रमा पनि एआई प्रयोग गरिरहेका छन् । मुम्बईका अस्पतालमा प्रयोग गरिएको एआई प्रणालीले बिरामीका प्रयोगशाला रिपोर्ट सरल भाषामा बुझाउन र चिकित्सकलाई बिरामीको विवरण विश्लेषण गर्न सहयोग गर्ने गरेको छ ।

भारतमा एआई प्रविधिमा आधारित स्टार्टअपहरू बढ्दै गए पनि आवश्यक चिप्स, कम्प्युटिङ क्षमता, दक्ष जनशक्ति र सरकारी प्रक्रियाका कारण चुनौती कायमै छन् ।

विशेषगरी नयाँ प्रविधि विकास र त्यसलाई व्यावसायिक रूपमा विस्तार गर्न पर्याप्त लगानी तथा सरकारी सहयोग आवश्यक रहेको उद्यमीहरूले बताएका छन् ।
 

प्रकाशित मिति:
थप विश्व