१० हजारभन्दा धेरै मतान्तरसहित धादिङ २ मा कांग्रेसका अधिकारी विजयी

धादिङ – धादिङ क्षेत्र नम्बर २ मा सत्ता गठबन्धनबाट नेपाली कांग्रेसका उम्मेदवार रामनाथ अधिकारी १० हजार ५ सय ३३ मतान्तरसहित विजयी हुनुभएकाे छ । 

कांग्रेसका अधिकारीले ३४ हजार ४ सय ८३ मत प्राप्त गर्नुभएकाे छ । उहाँका प्रतिस्पर्धी नेकपा एमालेका उम्मेदवार खेम लाेहनीले २३ हजार ९ सय ५० मत प्राप्त गर्नुभयाे । यस्तै राष्ट्रिय स्वतन्त्र पार्टीका वसुमाया तामाङले ५ हजार ५ सय २५ मत प्राप्त गर्नुभयाे । 

धादिङ क्षेत्र नम्बर २ मा १ लाख ३३ हजार ६ सय ४२ मतदाता रहेकामा ६७ हजार ६ सय १ जनाले मतदान गरेका थिए ।