नेपाली कांग्रेसकी केन्द्रीय सदस्य तथा पूर्व भौतिक पूर्वाधार तथा यातायात राज्यमन्त्री सीता गुरुङको जन्म २०३२ सालमा आठराई गाउँपालिका ४ को इवा तेह्रथुममा भएको हो । २०४७ सालमा नेपाल विद्यार्थी संघबाट राजनीति सुरु गरेकी सीता १४ औँ महाधिवेशनबाट केन्द्रीय सदस्यमा निर्वाचित हुनु भएको हो ।
२०४७ सालमा त्रिमोहन मावि संक्रान्तिबाट नेपाल विद्यार्थी संघको इकाइ समितिको सचिव हुँदै राजनीतिमा लागेकी सीता समानुपातिक तर्फबाट दुई पटक सभासद भैसक्नुभएको छ । पहिलो र दोस्रो संविधान सभामा समानुपातिकबाट सभासद भएकी गुरुङ २०७४ सालको संसदीय चुनावमा तेह्रथुम क्षेत्र नम्बर १ बाट पराजित हुनु भएको हो ।
२०४७ सालमा नेविसंघबाट राजनीति सुरु गरेकी गुरुङ २०५७ सालमा नेपाल महिला संघको जिल्ला अध्यक्ष र २०६० सालमा केन्द्रीय सचिव हुनुभयो । २०६७ सालदेखि पार्टीको केन्द्रीय सदस्य बनेकी गुरुङले स्नातकोत्तर सम्मको अध्ययन पूरा गर्नु भएको छ ।
त्रिमोहन माविबाट एसएलसी पास गर्नुभएकी गुरुङले तेह्रथुम बहुमुखी क्याम्पसमा आइए र त्रिभुवन विश्वविद्यालयबाट स्नातकोत्तर गर्नुभएको हो ।
