नेपाली कांग्रेसका केन्द्रीय सदस्य अर्जुननरसिंह केसीको जन्म २००४ साल असोजमा नुवाकोटको राउतबेसी –४ मा भएको हो । कानुन संकायबाट स्नातकोत्तर केसी तीन पटक मन्त्री बनिसक्नु भएको छ ।
२०५२ सालमा १८ महिना स्वास्थ्य मन्त्री, ०५६ सालमा शिक्षा तथा आवास मन्त्री र २०७३ सालमा शहरी विकास मन्त्री हुनुभयो ।
२०५७ देखि ०६२ सालसम्म नेपाली कांग्रेसको प्रवक्ता भएका केसी २०६४ देखि ०६८ सम्म नेपाली कांग्रेसको सह–महामन्त्री हुनुभयो । १३ औं महाधिवेशनमा महामन्त्रीमा पराजित भएपछि उहाँलाई केन्द्रीय सदस्यमा मनोनित गरिएको थियो भने चौधौँ महामिधवेशनमा भने उहाँ खुलातर्फ केन्द्रीय सदस्य निर्वाचित हुनु भएको हो ।
२०६४ सालको संविधानसभा चुनावमा नुवाकोट जिल्ला क्षेत्र नम्बर १ बाट पराजित हुनुभएका केसी २०७० को दोस्रो संविधानसभा चुनावमा भने त्यसै क्षेत्रबाट विजयी हुनुभयो । तर, २०७४ सालको संसदीय चुनावमा भने उहाँ पराजित हुनुभयो ।
