गोरखामा जन्मिनुभएका युवा नेता अब्दुस सलाम मियाँ विवेकशील साझा पार्टी परित्याग गरेर एमालेमा प्रवेश गर्नुभएको हो । एमाले प्रवेश गर्नुअघि अब्दुस मियाँले काठमाण्डौ क्षेत्र नम्बर ६ बाट स्वतन्त्र उम्मेदवारी दिने घोषणा गर्नुभएको थियो ।
विवेकशील साझा पार्टी छोडेर बस्नुभएका मियाँले असार ११ मै उम्मेदवारी घोषणा गरे पनि लगत्तै एमाले प्रवेश गर्नुभएको थियो । मनोनयन दर्ता गर्दै मियाँले वैकल्पिक राजनीतिले खेप्नुपरेको आरोह–अवरोहका कारण आम नागरिकसमक्ष गरेका प्रतिबद्धता पूरा गर्न नसकेकाले एमालेबाट प्रतिनिधिसभाको चुनाव लड्न लागेको बताउनुभयो । उहाँ ५ वर्षदेखि वैकल्पिक राजनीतिक अभियानमा सक्रिय हुनुहुन्थ्यो ।
