कास्कीका श्रीनाथ बराल नेकपा एकीकृत समाजवादीका पोलिटब्युरो सदस्य तथा गण्डकी प्रदेशका उपाध्यक्ष हुनुहुन्छ । जिल्ला विकास समिति कास्कीको अन्तिम कार्यकालमा उपसभापति रहनुभएका बरालले २०३६ सालमा कम्युनिस्ट पार्टीको सदस्यता लिनुभएको हो । २०४१ सालदेखि पूर्णकालीन कार्यकर्ता बन्नुभएका बराल २०४६ सालको जनआन्दोलनमा गण्डकी अञ्चलमा बाममोर्चाका सदस्य हुनुहुन्थ्यो ।
२०५९ माघ १९ को शाही घोषणा तथा तत्कालीन राजा ज्ञानेन्द्रले गरेको स्थानीय निर्वाचन बहिस्कार आन्दोलनको क्रममा गिरफ्तारीमा पर्नुभएका बराल नेकपाको कार्यकालमा केन्द्रीय सदस्य तथा कास्की सहईन्चार्ज हुनुहुन्थ्यो ।
