काठमाण्डाै – नेपालकाे 'ए' टाेलीले तेस्राे तथा अन्तिम मैत्रीपूर्ण टी–२० क्रिकेटमा आयरल्यान्ड–उल्भ्सलाई २ सय १४ रनकाे लक्ष्य दिएकाे छ ।

कीर्तिपुरकाे त्रिवि क्रिकेट मैदानमा टस हारेर ब्याटिङ गरेकाे नेपाल 'ए' ले २० ओभरमा ७ विकेट गुमाएर २ सय १३ रन बनायाे । नेपालका आरिफ शेखले ४८ बलमा नट आउट ९३ रन बनाए । यस्तै रशिद खानले २४, कमलसिंह ऐरीले नट आउट १९ रन बनाए । आयरल्यान्ड–उल्भ्सका कप्तान फिओन हान्डले २ विकेट लिए ।

आयरल्यान्ड–उल्भ्सले यसअघि नै शृङ्खला जितिसकेकाे छ । आयरल्यान्ड–उल्भ्सले पहिलाे खेल २१ रन र दाेस्राे खेल ४० रनले जितेकाे थियाे । आज नेपालले आफूलाई 'क्लिन स्वीप' हुनबाट जोगाउने प्रयास गर्नेछ ।

टी–२० शृङ्खलापछि यी दुई टोलीले तीन खेलकाे एकदिवसीय क्रिकेट शृङ्खला खेल्नेछन् । याे शृङ्खला पर्सि बुधवारदेखि त्रिवि क्रिकेट मैदानमै शुरु हुनेछ ।