काठमाण्डौका सामुदायिक विद्यालयमा ६ महिनाका लागि स्वयंसेवक परिचालन

 चैत ३०, २०८० शुक्रबार ८:५८:५३ | उज्यालो सहकर्मी
unn.prixa.net

काठमाण्डौ – काठमाण्डौ  महानगरपालिकाका सामुदायिक विद्यालयहरुमा ६ महिनाका लागि स्वयंसेवक परिचालन गरिएको छ ।

विद्यालयलाई सफा राख्न, स्वच्छताका लागि हरियाली बढाउन तथा कलात्मक देखाउने सजावटका क्रियाकलाप गर्न ४ सय ३७ जना आवेदकबाट सर्टलिष्टमा २ सय ४७ जना छानिएका थिए ।तीमध्ये अन्तर्वार्ताबाट सम्पदामा युवा र बालबालिका (सम्युवा) का लागि ४५ जना तथा वातावरण र बालबालिका (बाबा) कार्यक्रमका लागि १ सय जना छानिएका छन् । उनीहरुका लागि ४ दिनको तालिम दिइएको छ ।

यसपछि बाबा कार्यक्रमका लागि छानिएका स्वयंसेवकहरुलाई विद्यालयका फोकल शिक्षकहरुसँगै ४ दिनको थप तालिम दिएर परिचालन गरिएको हो । तालिमको समापनपछि र विद्यालय जानुअघि आयोजना गरिएको कार्यक्रममा महानगरपालिकाकी उपमेयर सुनिता डंगोलले सरकारको जिम्मेवार पदमा रहेको महसुस गरेर नतिजाका लागि काम गर्न आग्रह गर्नुभएको छ ।

हरेक स्वयंसेवकले हप्ताको २ दिन (बिहीवार र शुक्रवार) विद्यालयका लागि समय उपलब्ध गराउनु पर्नेछ । 

अन्तिम अपडेट: जेठ २, २०८१

उज्यालोका खबर फेसबुक, इन्स्टाग्राम, एक्स ट्वीटरयूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया