काठमाण्डौ – ललितपुर महानगरपालिकाले आज महानगरमा स्थानीय विदा दिएको छ । महानगरले रातो मच्छिन्द्रनाथको रथयात्राको क्रममा आज नरिवल खसाल्ने शुभ मूहुर्त भएकोले ललितपुर महानगर कार्यालय र मातहतका कार्यालयमा विदा दिएको हो ।

महानगरको नगर कार्यपालिकाको वैशाख १८ गते बसेको बठैकले नरिवल खसाल्ने दिन विदा दिने निर्णय गरेको थियो । महानगरकी प्रमुख प्रशासकीय अधिकृत रेखा दास श्रेष्ठले हिजो सूचना निकालेर विदाबारे जानकारी दिनुभएको थियो ।

वर्षा र सहकालका देवता रातो मच्छिन्द्र नाथको रथयात्रा गएको वैशाख २९ गतेदेखि शुरु भएको हो । पुल्चोबाट रथयात्रा शुरु भएपछि गाबहाल, सुन्धारा लगनखेल हुँदै जावलाखेलमा लगेर भोटो देखाई जात्रा सम्पन्न गरिन्छ । त्यसपछि मच्छिन्द्रनाथलाई बुङ्गमतीमा राखिन्छ । सुन्धाराबाट लगनखेल पुगेपछि नरिवल खसाल्ने परम्परा रहेको छ ।