स्याङ्जा – गण्डकी प्रदेशमा कोरोना सङ्क्रमितको सङ्ख्या एक सय ४५ पुगेको छ । बुधबार थप एक जनामा सङ्क्रमण देखिएकोे प्रदेश स्वास्थ्य निर्देशनालयले जनाएको छ ।

नवलपरासीको देबचुली नगरपालिका ठेगाना भइ त्यही पालिकाको क्वरेण्टीनमा बस्दै आएका ४० वर्षीय पुरुषमा कोरोना सङ्क्रमण देखिएको स्वास्थ्य निर्देशक तथा गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता डाक्टर विनोद विन्दु शर्माले जानकारी दिनुभयो ।

गण्डकी प्रदेशमा तीन जना सङ्क्रमित निको भएर घर फर्किएका छन् । यस्तै कोरोना सङ्क्रमित एक जनाको मृत्यु भएको छ । स्याङ्जाको वालिङ ३ का ५८ वर्षीय पुरुषको पोखरामा मृत्यु भएको निर्देशनालयले जनाएको छ । 

यसैबीच कास्कीका पहिलो कारोना सङ्क्रमितको सम्पर्कमा आएका ३९ जनाको कोरोना परीक्षण रिपोर्ट नेगेटिभ आएको छ ।