कतारबाट फर्किएको ३ दिनमै कोरोना सङ्क्रमणबाट मृत्यु, मृतकको सङ्ख्या ३४ पुग्यो

 असार २०, २०७७ शनिबार १६:५१:२१ | उज्यालो सहकर्मी
unn.prixa.net

काठमाण्डाै – नेपालमा कोरोनाकाे कारण थप दुई जनाको मृत्यु भएकाे छ ।

स्वास्थ्य तथा जनसङ्ख्या मन्त्रालयका अनुसार गोरखाको पालुङटार नगरपालिका ७ का ४४ वर्षीय पुरुषको कोरोना सङ्क्रमणकाे कारण मृत्यु भएको हो ।

गएकाे असार १७ गते कतारबाट फर्किनुभएका उहाँलाई निमोनिया भएपछि १८ गते गोरखा जिल्ला अस्पताल भर्ना हुनुभएको थियो । १९ गते परीक्षण गर्दा कोरोना पोजेटिभ देखिएको र शनिबार बिहान मृत्यु भएको मन्त्रालयले जनाएको छ ।

यस्तै गएकाे असार १७ गते मृत्यु भएका रुपन्देहीको देवदहका एक ७५ वर्षीय पुरुषमा पनि कोरोना पुष्टि भएको  छ । असार १४ गते क्षयरोगको उपचारको लागि अस्पताल भर्ना हुनुभएका उहाँको १७ गते मृत्यु भएको र १८ गते कोरोना परीक्षण गर्दा रिपाेर्ट पोजेटिभ देखिएको मन्त्रालयका प्रवक्ता डाक्टर जागेश्वर गौतमले जानकारी दिनुभयो ।

योसँगै नेपालमा कोरोनाबाट मृत्यु हुनेको सङ्ख्या ३४ पुगेको छ । 

अन्तिम अपडेट: असार २७, २०७७

तपाईको प्रतिक्रिया