कक्षा १२ को परीक्षा शुरु
बैशाख १४, २०८१ शुक्रबार
सिरहा – कल्याणपुर नगरपालिकाका मेयरका छोरासहित दुई जना पाँच लाख घुससहित अख्तियारको फन्दामा परेका छन् ।
अख्तियार दुरुपयोग अनुसन्धान आयोगको विशेष टोलीले लहान नगरपालिका २२ भोटियाटोल नजिकैको एक पेट्रोल पम्पबाट मेयर सूर्यनाथ मण्डलका छोरा ३५ वर्षीय सन्तकुमार मण्डल र उनीसँगै रहेका जितेन्द्र महतोलाई बुधबार अपराह्न घुस रकमसहित नियन्त्रणमा लिएको हो ।
कल्याणपुरका मेयरले विस्तृत परियाेजना प्रतिवेदन (डीपीआर) गरेको भुक्तानी दिन सेवाग्राहीसँग मागेको पाँच लाख घुस लिन छोरालाई पठाएको बेला अख्तियारकाे टोलीले नियन्त्रणमा लिएको हाे ।
प्रहरी नायब उपरीक्षक (डीएसपी) मधुकुमार थापाको कमाण्डमा खटिएको टोलीले उनीहरुलाई नियन्त्रणमा लिएको जनाएको छ ।
पक्राउ परेका दुवै जनामाथि थप अनुसन्धान गरिने अख्तियार दुरुपयोग अनुसन्धान आयोगको बर्दिवास कार्यालयले जनाएकाे छ ।